police

சிறப்பு சப்-இன்ஸ்பெக்டர் காலில் பாய்ந்த 2 துப்பாக்கி குண்டுகள் அகற்றம். கோவை அரசு டாக்டர்கள் சாதனை.

27.11.21:
சத்தியமங்கலம் சிறப்பு காவல் பிரிவில் பணியாற்றி வருபவர் தர்மபுரி மாவட்டத்தைச் சேர்ந்த சந்தோஷ் 34, இவர் நேற்று முன்தினம் தனது அறையில் ஓய்வு எடுத்துக் கொண்டிருந்தார். அப்போது சக காவலர் ஒருவர் அங்கிருந்த துப்பாக்கிகளை சுத்தம் செய்து வந்ததாக தெரிகிறது. இதில் எதிர்பாராதவிதமாக துப்பாக்கி சூட்டில் அறையில் ஓய்வு எடுத்துக்கொண்டிருந்த சந்தோஷின் இடது காலில் 2 துப்பாக்கி குண்டுகள் பாய்ந்தன.

இதில் ஒன்று குதிங்கால் பகுதியிலும் மற்றொன்று பாதத்திற்கு மேல் பகுதியிலும் சென்றது. மிகவும் ஆபத்தான நிலையில் கோவை அரசு மருத்துவமனைக்கு நேற்று முன்தினம் இரவு சிகிச்சைக்கு அனுமதிக்கப்பட்ட அவருக்கு உடனடியாக எக்ஸ்ரே, சிடி ஸ்கேன் மற்றும் இரத்தக்குழாய் பரிசோதனை செய்த டாக்டர்கள் பின்னர் அவரை சிகிச்சைக்காக மயக்க மருந்து அளிக்கப்பட்டு மருத்துவமனைக்கு ஆலோசனையின் பேரில் முடநீக்கியல் மற்றும் விபத்து சிகிச்சை துறை இயக்குனர் வெற்றிவேல் செழியன் தலைமையில் டாக்டர் விவேகானந்தன், ரமணன், சுரேந்தர், குமரவேல் மயக்க மருந்து டாக்டர் சுதாகர் மற்றும் செவிலியர் ஜோதி ஆகியோர் கொண்ட மருத்துவ குழுவினர் அறுவை சிகிச்சை செய்தனர்.

சுமார் 2.30 மணி நேரத்திற்குள் காலை நுழைந்த இரண்டு குன்றுகளையும் அவற்றின் அருகே மற்றும் நரம்புகளுக்கு பாதிப்பின்றி நவீன ஊடுகதிர் (சி.ஆர்ம்) கருவியை பயன்படுத்தி கொண்டு வெற்றிகரமாக அகற்றப்பட்டது. அரசு மருத்துவமனை டாக்டர்கள் விரைந்து செயல்பட்டதால் போலீஸார் உயிர் தப்பியுள்ளார். இந்த நிலையில் சிறப்பாக பணியாற்றிய மருத்துவ குழுவினரை மருத்துவமனை டீன் விமலா பாராட்டினார்.